BQO-da jol apatynan jaraqat alǵan bala jansaqtaý bóliminde jatyr
ORAL. QazAqparat – Batys Qazaqstan oblysynda jol apatynan jaraqat alǵan 6 jasar bala jansaqtaý bóliminde jatyr, dep habarlaıdy QazAqparat tilshisi.
Budan buryn jazǵanymyzdaı, Chapaev-Jańaqala jolynda eki avtokóliktiń túıisýi saldarynan 3 jasar bala kóz jumǵan bolatyn.
Alty jasar taǵy bir bala aýyr jaraqat alǵan edi.
BQO densaýlyq saqtaý basqarmasynyń baspasóz qyzmeti málim etkenindeı, bala qazir oblystyq kópbeıindi aýrýhananyń jansaqtaý bóliminde. Jaǵdaıy aýyr. Balanyń mıy shaıqalyp, aıaq-qoldary synǵan.
Eske sala keteıik, budan buryn BQO-da avtokólik asfalt tóseıtin mashınamen soqtyǵysyp, bir adamnyń qaza tapqanyn jazǵan bolatynbyz.
