BQO-da jol apatynan úsh adam zardap shekti
ORAL. QazAqparat - Búgin Batys Qazaqstan oblysynda jol-kólik oqıǵasy bolyp, úsh adam jaraqat aldy, dep habarlaıdy «QazAqparat» tilshisi.
Oqıǵa tańerteń saǵat 09.30 shamasynda oryn alǵan. Samara-Shymkent kúre jolynyń 339-shaqyrymynda Syrym aýdany Alǵabas aýyly tusynda «VAZ-2114» avtokóligi jolaýshylar avtobýsyna soǵylǵan. Sonyń saldarynan úsh adam jaraqat alǵan.
Oblystyq ishki ister departamenti bastyǵynyń orynbasary Talǵat Ahaevtyń aıtýynsha, «VAZ-2114» avtokóliginiń rýlinde Syrym aýdandyq ishki ister bóliminiń ýchaskelik ınspektory bolǵan. Onyń jaraqaty aýyr bolǵannan keıin Oralǵa jetkizildi.
Oblystyq klınıkalyq aýrýhana dırektory Erlan Toqsanovtyń sózine qaraǵanda, jol apatynan aýyr jaraqat alǵan adamǵa dárigerlik kómek kórsetilýde.
Qazirgi kezde oqıǵanyń sebep-saldary anyqtalý ústinde.
