BQO-da jol apatynan polıtsııa qyzmetkeri kóz jumdy
ORAL. QazAqparat - Batys Qazaqstan oblysynda jol apatyna ushyraǵan polıtsııa qyzmetkeri kóz jumdy, dep habarlaıdy «QazAqparat» tilshisi.
BQO ishki ister departamenti bastyǵynyń orynbasary Talǵat Ahaevtyń aıtýynsha, Samara-Shymkent kúre joly boıynda avtobýspen soqtyǵysqan «VAZ-2114» avtokóliginiń rýlinde bolǵan Syrym aýdandyq ishki ister bóliminiń ýchaskelik ınspektory oblystyq klınıkalyq aýrýhanada kóz jumdy.
Eske sala keteıik, oqıǵa 27 aqpan kúni Syrym aýdany Alǵabas aýyly tusynda oryn alyp, úsh adam jaraqattanǵan bolatyn. Sonyń ishinde aýyr jaraqat alǵan polıtsııa qyzmetkeri oblystyq aýrýhanaǵa jetkizilgen edi.
