BQO-da jol apatynan qurban bolǵandar sany tórteýge jetti
ORAL. QazAqparat - 2 maýsym kúni saǵat 18.40 shamasynda Oral-Aqsaı kúre jolynyń 77-shaqyrymynda (Bórli aýdanynda) qos birdeı «Folksvagen Sharan» avtokóliginiń soqtyǵysýynan bolǵan iri jol apaty saldarynan taǵy bir adam kóz jumdy, dep habarlaıdy «QazAqparat» tilshisi.
BQO ishki ister departamentiniń baspasóz qyzmetinen túsken málimetke qaraǵanda, júrgizýshiniń biri avtokólik rýline ıe bola almaı, qarsy betke shyǵyp ketip, ekinshi kólikpen túıisýge jol bergen. Jantúrshigerlik jol apatynan úsh adam qaza tapsa, toǵyzy túrli jaraqatpen Aqsaı qalasy men Terekti aýdany ortalyǵy Fedorov aýylyndaǵy aýdandyq aýrýhanalarǵa jetkizilgen. Sodan keıin saǵat 22.55-te zardap shekkenderdiń biri, 1975 jylǵy áıel kóz jumǵan.
Atalǵan derek QR QK 345-baby 4-bólimine sáıkes sotqa deıingi tergep-tekserýdiń biryńǵaı tizilimine tirkelip, tergeý amaldary júrgizilýde.
Eske sala keteıik, atalmysh oqıǵa týraly budan buryn «QazAqparat» habarlaǵan bolatyn .
