BQO-da jol apatynan keıin 4 adam jansaqtaý bólimine tústi
ORAL. QazAqparat – Batys Qazaqstan oblysynda jol apatynan 4 adam jansaqtaý bólimine tústi, dep habarlaıdy QazAqparat tilshisi.
BQO polıtsııa departamenti baspasóz qyzmetiniń habarlaýynsha, oqıǵa 16 maýsym kúni shamamen saǵat 13.13-te Bórli-Aqsaı-Jympıty jolynyń 27-shaqyrymynda boldy.
«VAZ-21103» avtokóliginiń 1994 jylǵy júrgizýshisi qıylysta burylý kezinde jol qozǵalysy qaýipsizdigin qamtamasyz etpeı, 1984 jylǵy júrgizýshi aıdap bara jatqan «Sharan» avtokóligimen soqtyǵysýǵa jol bergen.
Avtokólikterde 8 adam bolǵan, sonyń ekeýi – kámeletke tolmaǵandar.
«VAZ-21103» avtokóliginde otyrǵan tórt jolaýshy jansaqtaý bólimine jatqyzyldy. Sonyń bireýi – bir jasqa tolmaǵan sábı.
Qazirgi kezde oqıǵanyń jaı-japsary anyqtalý ústinde.
Eske sala keteıik, budan buryn Oralda kólikpen soqtyǵysqan mototsıkldiń 15 jastaǵy júrgizýshisi mert bolǵanyn jazǵan edik.
