BQO-da jol apatynan GAZel órtenip, 2 adam mert boldy
ORAL. QazAqparat - Búgin tańerteń Batys Qazaqstan oblysynda bolǵan jol apatynan eki adam kóz jumdy, dep habarlaıdy «QazAqparat» tilshisi.
BQO ishki ister departamenti jergilikti polıtsııa qyzmetiniń basshysy, polıtsııa polkovnıgi Manarbek Ǵabdýllınniń aıtýynsha, Podstepnyı-Elek avtojolynyń 81-shaqyrymynda, Bórli aýdany Bórli aýylynan 20 shaqyrymdaı jerde «GAZel» men «Lada Granta» avtokóligi soqtyǵysqan.
Oqıǵa saldarynan «Lada Granta» avtokóliginiń 1994 jylǵy júrgizýshisi men sonda otyrǵan 1981 jylǵy áıel adam qaza tapty. Osy kólikte bolǵan taǵy úsh jolaýshy túrli jaraqattarmen aýrýhanaǵa jetkizildi. «GAZel» kóligi órtenip ketken. Aldyn ala málimetke qaraǵanda, «GAZel» kóliginiń júrgizýshisi jeńil jaraqat alǵan.
Qazirgi kezde oqıǵanyń mán-jaıy anyqtalý ústinde.
