BQO-da jol apatynan er adam kóz jumdy
ASTANA. QazAqparat - Búgin Oral-Atyraý joly boıynda avtokólik aýdarylyp, er adam kóz jumdy, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, oqıǵa qaladan shyǵaberistegi Svıstýn gora mańynda oryn aldy.
Jedel járdemge shaqyrtý saǵat 05.46-da túsken. Jedel járdem brıgadasy úsh mınýttan keıin kólik aýdarylǵan jerge jetti. 1967 jylǵy er adam oqıǵa ornynda mert boldy. Aldyn ala málimet boıynsha basynan jaraqat alyp, mıy shaıqalǵan 1967 jylǵy áıel adam ortasha jaǵdaıda oblystyq aýrýhanaǵa jetkizildi.
Kýágerlerdiń sózine qaraǵanda, avtokólikte erli-zaıypty adamdar bolǵan.
Qazirgi kezde oqıǵanyń jaı-japsary anyqtalyp jatyr.
