BQO-da jol apatynan eki qyz kóz jumdy
ORAL. QazAqparat - Búgin tańǵy saǵat 05.00 shamasynda Oral-Kırsanov jolynyń 55-shaqyrymynda ońtústik baǵytta 1988 jylǵy júrgizýshi Lada-21901 avtokóliginiń rýline ıe bola almaı, sonyń saldarynan joldan ushyp ketken kólik aýdarylǵan.
BQO ІІD baspasóz qyzmetinen túsken málimetke qaraǵanda, 1992 jáne 1997 jylǵy qyzdar oqıǵa ornynda kóz jumdy. Aýyr jaraqat alǵan júrgizýshi Zelenov aýdany Darııan kentindegi aýdandyq aýrýhanaǵa jetkizildi.
Qazirgi kezde oqıǵanyń jaı-japsary anyqtalýda.
Aıta keteıik, óńirde jyl basynan beri 189 jol-kólik oqıǵasy bolyp, sonyń saldarynan 41 adam qaza taýyp, 228-i túrli jaraqat aldy.
