BQO-da jol apatynan eki adam mert boldy
ORAL. QazAqparat - Qaratóbe aýdanynda jol apatynan eki adam kóz jumdy, dep habarlaıdy QazAqparat tilshisi.
Aýdandyq TJ bóliminiń basshysy mindetin atqarýshy, azamattyq qorǵaý podpolkovnıgi Mels Isqaqovtyń aıtýynsha, oqıǵa 19 qańtar kúni keshkisin oryn aldy.
"Syrym-Qaratóbe" jolynyń 87-shaqyrymynda «Folksvagen» avtokóligi jol shetinde turǵan traktor tirkemesiniń astyna kirip ketken. Jol apaty saldarynan avtokólik ishindegi adamdardy shyǵara almaı jatqany jóninde aýdandyq polıtsııa bóliminen saǵat 21.10-da habar túsken.
«Oqıǵa ornyna «ÝAZ-ASO» avtokóligimen bes adam bardyq. Ýral ATs 5,5 órt sóndirý kóligi de keldi. Sonyń kómegimen tirkeme men «Folksvagen» avtokóligin eki jaqqa tartyp, shyǵardyq. Tórt er adamdy jeńil avtokólik ishinen shyǵaryp alǵanmen, ókinishke qaraı, bireýi oqıǵa ornynda qaıtys bolyp ketti. Ekinshisi 20 qańtar kúni aýdandyq aýrýhanada kóz jumdy. Qalǵan ekeýi oblystyq aýrýhanaǵa jetkizildi, qazir jaǵdaılary jaman emes. Olardyń bári de - Oral qalasynyń turǵyndary. Qutqarylǵan adamnyń biri - Maqsot Qazǵalıevtiń inisi Maksım Qaratóbege arnaıy kelip, TJ qyzmetkerlerine alǵysyn aıtyp ketti. Aǵasynyń murny synyp, qan uıyp qalǵan. Der kezinde qutqarylmaǵanda, dem ala almaı qalady eken», dedi QazAqparat tilshisine M.Isqaqov.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, Qaratóbe aýylynan 10 shaqyrym jerde bolǵan jol apatynan tórt adam zardap shekken. 1979 jylǵy er adam jedel járdem kelgenge deıin qaza tapsa, 1979 jylǵy eki jáne 1972 jylǵy bir er adam Qaratóbe aýdandyq ortalyq aýrýhanasyna jetkizildi. Quramynda neırohırýrg, travmatolog, anestezıolog bar sanavıatsııa shaqyrtyldy. 1972 jylǵy er adam kelesi kúni aýrýhanada qaıtsa, qalǵan ekeýi sanavıatsııamen oblystyq aýrýhanaǵa ákelindi. Bireýi ambýlatorlyq em alýǵa jiberildi, ekinshisi neırohırýrgııa bóliminde.
Eske sala keteıik, budan buryn BQO-da eki adamnyń ólimine soqtyrǵan jol apaty boıynsha tergeý júrgizilip jatqanyn jazǵan bolatynbyz.
