BQO-da jol apatynan eki adam qaza taýyp, tórteýi jaraqat aldy
ORAL. QazAqparat – Batys Qazaqstan oblysynda jol apatynan eki adam qaza taýyp, tórteýi jaraqat aldy, dep habarlaıdy QazAqparat tilshisi.
Jol-kólik oqıǵasy Bórli-Pýgachev joly boıynda, Pýgachev aýyly mańynda 19 qańtar kúni boldy.
«VAZ-2109» jáne «Lada Largýs» avtokólikteri túıisken.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, oqıǵa ornyna qos birdeı jedel járdem brıgadasy jetti. Pýgachev aýylynan da medıtsına qyzmetkeri shyqty.
Eki er adam oqıǵa ornynda kóz jumdy.
Oǵan qosa 2001 jáne 2004 jylǵy qyzdar, 1996 jylǵy jigit pen 1988 jylǵy er adam túrli jaraqattarmen Bórli aýdandyq aýrýhanasyna jetkizildi.
Qazirgi kezde oqıǵanyń jaı-japsary anyqtalý ústinde.
