BQO-da jol apatynan bir adam mert boldy
ORAL. QazAqparat - Batys Qazaqstan oblysynda eki jeńil kólik soqtyǵysyp, bir adam qaza tapty, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, oqıǵa búgin Samara-Shymkent kúre jolynyń 308-shaqyrymynda boldy.
«Oqıǵa ornyna Terekti aýdandyq aýrýhanasynyń jedel járdem kóligi bardy. 1978 jylǵy er adam sol jerde jan tapsyrǵan. 1965 jylǵy er adamǵa medıtsınalyq kómek kórsetildi», - dedi A.Saqposynova.
BQO polıtsııa departamentiniń baspasóz qyzmeti bul oqıǵa boıynsha aqparatty keıin beretinin jetkizdi.
Eske sala keteıik, budan buryn BQO-da jol apatynan eki adamnyń kóz jumǵanyn jazǵan bolatynbyz.
