BQO-da jol apatynan bir adam kóz jumdy
ORAL. QazAqparat - Búgin Samara-Shymkent kúre joly boıynda, Terekti aýdany Podstepnyı aýylynan birer shaqyrym jerde shaǵyn avtobýs pen «ÝAZ» avtokóligi soqtyǵysty, dep habarlaıdy «QazAqparat» HAA tilshisi.
Oblystyq densaýlyq saqtaý basqarmasynyń baspasóz hatshysy Flıýra Samatovanyń aıtýynsha, oqıǵa ornynan saǵat 10.38-de jedel járdem stansasyna qońyraý túsken.
Bastapqy málimetke qaraǵanda, 1975 jylǵy er azamat oblystyq klınıkalyq aýrýhananyń jansaqtaý bólimine jetpeı, kóz jumǵan.
Jol-kólik oqıǵasynan barlyǵy 12 adam zardap shekse, sonyń 8-i ambýlatorlyq em alýǵa jiberilgen. Úsheýi, 1962 jylǵy áıel, 1955 jylǵy er adam jáne 1997 jylǵy qyz qazir oblystyq aýrýhanada jatyr. Sonyń ishinde sońǵysy es-tússiz kúıde. Zardap shekkenderdiń barlyǵy da - BQO turǵyndary.
Qazirgi tańda oqıǵanyń jaı-japsary anyqtalý ústinde.
