BQO-da jol apatynan bir adam qaza taýyp, tórteýi jaraqat aldy
ORAL. QazAqparat – Batys Qazaqstan oblysynda jol apatynan bir adam qaza taýyp, tórteýi jaraqat aldy, dep habarlaıdy QazAqparat tilshisi.
BQO polıtsııa departamentiniń baspasóz hatshysy Bolatbek Belgibekovtiń aıtýynsha, oqıǵa 25 qazan kúni keshkisin Oral-Tasqala joly boıynda oryn aldy.
Saǵat 19.05-te Báıterek aýdany Beles aýylynan Oral-Tasqala jolyna burylar tusta 1993 jylǵy júrgizýshi «Lada Granta» kóligimen jol bermeı, «MAZ» júk kóligimen soqtyǵysqan. 1988 jylǵy júrgizýshi aıdaǵan júk kóligi Tasqalaǵa qaraı ketip bara jatqan.
Jol apatynan jeńil kólikte bolǵan 1989 jylǵy er adam oqıǵa ornynda jedel járdem kelgenge deıin kóz jumdy.
Aldyn ala málimet boıynsha jambas tusynan jabyq synyq jaraqatyn alǵan júrgizýshi, jabyq bas-mı jaraqatymen 1989 jylǵy áıel, jambasy synǵan 2015 jylǵy qyz bala jáne jabyq bas-mı jaraqatyna qosa mıy shaıqalǵan 2013 jylǵy qyz oblystyq kópbeıindi aýrýhanaǵa jatqyzyldy. Bulardyń bári de «Lada Granta» avtokóliginde bolǵan.
Kólikter arnaıy turaqqa qoıyldy.
Qazirgi kezde QR QK 345-baby 3-bóligine sáıkes sotqa deıingi tergeý amaldary júrgizilýde.
