BQO-da jol apatynan bir adam qaza taýyp, ekeýi jaralandy
ORAL. QazAqparat - Oral-Atyraý kúre jolynyń Zelenov aýdany Şapov aýylynyń tusynda «VAZ-21102» avtokóliginiń júrgizýshisi rýlge ıe bola almaı, qarsy betke shyǵyp ketip, "DAF" júk kóligimen soqtyǵysty, dep habarlaıdy «QazAqparat» tilshisi.
Jol apaty keshe saǵat 19.25 shamasynda tas joldyń 27-shaqyrymynda boldy.
Aýdandyq ishki ister bóliminen túsken málimetke qaraǵanda, «VAZ-21102» avtokóliginde otyrǵan jolaýshy oqıǵa ornynda kóz jumǵan. Osy kóliktiń júrgizýshisi men taǵy bir jolaýshy jedel járdem kóligimen oblystyq aýrýhanaǵa jetkizilgen.
BQO densaýlyq saqtaý basqarmasynyń baspasóz hatshysy Flıýra Samatovanyń aıtýynsha, qazirgi kezde 1983 jylǵy jáne 1992 jylǵy er azamattar oblystyq aýrýhananyń hırýrgııa bólimshesinde jatyr, jaǵdaılary qanaǵattanarlyq. 1983 jylǵy azamattyń jaýyryny synǵan.
