BQO-da jol apatynan bir adam qaza taýyp, ekeýi jaraqat aldy
ASTANA. QazAqparat - Búgin «Oral-Atyraý» tasjoly boıynda "KamAZ" júk kóligi men "Shevrolet Orlando" jeńil kóligi soqtyǵysty, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, oqıǵa bolǵan Aqjaıyq aýdany Taıpaq aýylynyń tusyna búgin saǵat 09.33-te jedel járdem shaqyryldy.
Jol apaty saldarynan 1975 jylǵy er adam jedel járdem kelgenge deıin kóz jumǵan. Sonymen qatar eki adam Aqjaıyq aýdandyq aýrýhanasyna jetkizildi. 1971 jylǵy ózbekstandyq áıel oń aıaǵynan jaraqattanǵan. Al 1998 jylǵy ózbekstandyq azamat sol jáne oń jaq ıyǵy tusynan jaraqat alǵan.
Eske sala keteıik, budan buryn Oralda avtokóliktiń baǵanǵa soǵylyp, jas jigittiń kóz jumǵanyn jazǵan bolatynbyz. Qazirgi ýaqytta qos oqıǵanyń da mán-jaıy anyqtalýda.
