BQO-da jol apatynan áıel kóz jumdy
BQO polıtsııa departamentiniń baspasóz qyzmetinen málim etkenindeı, oqıǵa 27 aqpan kúni Podstepnyı-Melovye gorkı avtojolynyń 4-shaqyrymynda Jaıyq ózeninen ótetin kópir mańynda boldy.
«1993 jylǵy júrgizýshi Volvo júk kóligimen 2000 jylǵy jigit aıdap kele jatqan Volkswagen avtokóligimen soqtyǵysqan. Saldarynan jeńil kólikte otyrǵan 1972 jylǵy áıel oqıǵa ornynda qaıtys boldy. Oǵan qosa aýrýhanaǵa úsh adam jetkizildi. Qazirgi kezde QR QK 345-baby 3-bóligine sáıkes sotqa deıingi tergeý amaldary júrgizilýde. Barlyq tıisti saraptamalar taǵaıyndaldy», dep habarlady vedomstvodan.
BQO densaýlyq saqtaý basqarmasy baspasóz qyzmetiniń naqtylaýynsha, zardap shekkender ishinde 1970 jylǵy er adamnyń jaǵdaıy óte aýyr. Bas pen mıdyń ashyq jaraqatyna qosa, aýyr dárejede mıy soǵylyp, qan quıylǵan. Oblystyq kópbeıindi aýrýhananyń neırohırýrgııa bóliminiń jansaqtaý bólimshesinde jatqan oǵan ota jasaldy.
Sondaı-aq 1973 jylńy áıel bas pen mı, keýdesinen jabyq jaraqat alyp, mıy shaıqalǵan. Oń jaqtaǵy eki qabyrǵasy synǵan. Oblystyq aýrýhananyń travmatologııa bóliminde, jaǵdaıy ortasha aýyr. 23 jastaǵy jigit oń jambasyn soǵyp alǵan. Neırohırýrg pen travmatologqa qaralǵannan keıin basqa tekseristen bas tartty. Ambýlatorlyq em alýǵa jiberildi.
Eske sala keteıik, budan buryn BQO-da kóktaıǵaqqa baılanysty eki respýblıkalyq jolda qozǵalys shektelgenin jazǵan bolatynbyz.