BQO-da jol apatynan áıel adam aýyr jaraqat aldy
ORAL. QazAqparat - Batys Qazaqstan oblysynda jol apatynan áıel adam aýyr jaraqat aldy, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, oqıǵa 15 maýsym kúni boldy.
Aqsaı qalasynan 18 shaqyrym jerde avtokólik joldan shyǵyp ketip, aýdarylyp qalǵan. Jedel járdem saǵat 13.22-de shaqyrtyldy.
Jol-kólik oqıǵasynan tórt adam zardap shekti. Denesi kógergen 1984 jylǵy áıel qaralǵannan keıin ambýlatorlyq emdeýge jiberildi. 2014 jáne 2016 jylǵy qyzdar jaraqat almaǵan, degenmen olar tańǵa deıin Bórli aýdandyq aýrýhanasynda dárigerlerdiń baqylaýynda boldy. Olardyń ekeýi de 16 maýsym kúni úılerine jiberildi.
Synyq jaraqattaryn alyp, denesi kógergen 1993 jylǵy áıel jansaqtaý jáne jedel terapııa bólimine jatqyzyldy.
«Áıeldiń jaǵdaıy aýyr, erteń sanavıatsııamen oblystyq kópbeıindi aýrýhanaǵa jetkizý kózdelýde», - dedi QazAqparat tilshisine A.Saqposynova.
BQO polıtsııa departamenti baspasóz qyzmetiniń naqtylaǵanyndaı, 15 maýsym kúni saǵat 13.00 shamasynda Aqsaı-Fedorov jolynyń 9-shaqyrymynda 1984 jylǵy júrgizýshi "Wolkswagen Sharan" avtokóliginiń rýline ıe bola almaı, aýdarylyp qalǵan. Bórli aýdany polıtsııa bólimi atalǵan oqıǵa boıynsha tergeý amaldaryn júrgizýde.
