BQO-da jol apatynan avtokólik órtenip, jalyn 1 gektar jerdi sharpydy
ORAL. QazAqparat – Batys Qazaqstan oblysynda jol apatynan avtokólik órtenip, úsh adam aýrýhanaǵa jetkizildi, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 19 qyrkúıek kúni saǵat 20.53-te Bórli aýdany Pýgachev aýyldyq okrýginde Berezov-Aqsaı jolynda boldy.
«Toıota Kamrı» joldan ushyp ketip, avtokólikke qosa 1 gektar qurǵaq shóp jalynǵa oranǵan.
Jol apaty saldarynan Bórli aýdandyq ortalyq aýrýhanasyna úsh adam jetkizildi.
Qazirgi málimet boıynsha 1989 jylǵy er adam, 1985 jáne 1994 jylǵy áıelder jabyq bas-mı jáne dene jaraqatyn alyp, mıy shaıqalǵan.
«Tilsiz jaý» №28 órt sóndirý bólimshesiniń kúshimen (4 qyzmetker, 1 tehnıka) saǵat 21.50-de aýyzdyqtaldy.
Qazirgi kezde oqıǵanyń sebep-saldary anyqtalyp jatyr.
Eske sala keteıik, budan buryn Oralda Ulttyq ulan jaýyngerleriniń jol apatyna ushyraǵan úsh áıelge qolushyn bergenin jazǵan bolatynbyz.
