BQO-da jol apatynan alty adam jaraqat aldy
ORAL. QazAqparat- Batys Qazaqstan oblysynda jol apatynan alty adam jaraqat aldy, dep habarlaıdy QazAqparat tilshisi.
Oqıǵa keshe keshkisin saǵat 21.50 shamasynda Jańaqala aýdany aýmaǵynda boldy.
Jańaqala-Saıqyn kúre joly boıynda qos birdeı «Largýs» avtóligi soqtyǵysty.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, alty adam Jańaqala aýdandyq aýrýhanasyna jetkizildi. Olardyń bireýi - 2013 jylǵy qyz bala.
«Báriniń de jaǵdaıy ortasha aýyr. Tek 1987 jylǵy áıelge ota jasaý jóninde sheshim qabyldandy», dedi A.Saqposynova.
Oblystyq polıtsııa departamentiniń baspasóz qyzmetinen túsken málimetke qaraǵanda, Chapaev-Saıqyn jolynyń 132-shaqyrymynda, Jańaqala aýyly tusynda 1982 jylǵy júrgizýshi «Largýs» avtokóligimen joldyń qarsy betine shyǵyp ketken. Sóıtip 1992 jylǵy júrgizýshi aıdap kele jatqan «Largýspen» soqtyǵysýǵa jol bergen. Jańaqala aýdandyq aýrýhanasyna jetkizilgen alty adamnyń ekeýi - jasóspirim. Medıtsınalyq kýálandyrý boıynsha eki júrgizýshi de aıyq bolyp shyqty. Qazirgi kezde atalǵan oqıǵa boıynsha QR QK 345-baby 2-bóligine sáıkes qylmystyq is qozǵalyp, tergeý amaldary júrgizilýde.
Eske sala keteıik, budan buryn BQO-da eki avtokólik soqtyǵysyp, bes adamnyń zardap shekkenin jazǵan bolatynbyz.
