BQO-da jol apatynan ákesi men balasy qaza boldy
ORAL. QazAqparat – Batys Qazaqstan oblysynda jol apatynan ákesi men balasy qaza tapty, dep habarlaıdy QazAqparat tilshisi.
BQO Polıtsııa departamentiniń baspasóz qyzmetinen túsken málimetke qaraǵanda, oqıǵa 1 qarasha kúni saǵat 17.00 shamasynda Tasqala aýdany aýmaǵynda boldy.
Oıan aýylynan 11 shaqyrym jerde 61 jastaǵy júrgizýshi «Nıva Shevrole» avtokóliginiń rýline ıe bola almaı qalyp, aýdarylǵan.
Sonyń saldarynan júrgizýshi men onyń 38 jastaǵy uly oqıǵa ornynda kóz jumdy.
Marqumdardyń denesi sot-medıtsınalyq saraptamaǵa joldandy.
Qazirgi kezde QR QK 345-baby 3-bóligine sáıkes tergeý amaldary júrgizilýde.
