BQO-da jol apatynan 5 adam qaza tapty
ORAL. QazAqparat – Batys Qazaqstan oblysynda jol apatynan bes adam qaza tapty, dep habarlaıdy QazAqparat tilshisi.
Oqıǵa keshe Oral-Atyraý joly boıynda Aqjaıyq aýdany Taıpaq aýylynan 10 shaqyrym jerde boldy.
Júk kóligi men jeńil avtokólik soqtyǵysqan.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jol apaty saldarynan alty adam zardap shekti.
Sonyń ishinde 1983, 1985 jylǵy er adamdar, 1999 jylǵy jigit jáne 1971, 1976 jylǵy áıel adamdar alǵan jaraqattary saldarynan jedel járdem kelgenge deıin kóz jumdy.
1968 jylǵy er adam jabyq bas-mı jaraqatymen Aqjaıyq aýdandyq aýrýhanasyna jetkizildi.
Qazirgi kezde oqıǵanyń jaı-japsary anyqtalýda.
Eske sala keteıik, budan buryn Oralda qos avtokólik soqtysyǵyp, bireýi órtenip ketkenin jazǵan bolatynbyz.
