BQO-da jol apatynan 42 jastaǵy áıel kóz jumdy
ORAL. QazAqparat - Batys Qazaqstan oblysynda 42 jastaǵy áıel jol-kólik oqıǵasynan kóz jumdy, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, 17 qarasha kúni saǵat 06.30-da Aqsaı-Orynbor jolynyń 22-shaqyrymynda «Neftek» janar-jaǵar maı quıý stansasy mańynda Sh. degen júrgizýshi «Volkswagen Sharan» avtokóligimen 1975 jylǵy A. degen jaıaý júrginshini qaǵyp ketken. Sonyń saldarynan atalǵan azamatsha «jedel járdem» kóliginde kóz jumǵan.
Atalǵan derek boıynsha QR QK 345-baby 3-bóligine sáıkes qylmystyq is qozǵalyp, tergeý amaldary júrgizilýde.
Eske sala keteıik, osyǵan deıin «QazAqparat» jyl basynan beri oblysta jaıaý júrginshilerdiń qatysymen 147 jol-kólik oqıǵasy oryn alyp, sonyń saldarynan 24 adamnyń qaza tapqanyn habarlaǵan bolatyn.
