BQO-da jol apatynan 3 adam mert boldy
ORAL. QazAqparat – Batys Qazaqstan oblysynda jol apatynan úsh adam mert boldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 2 qarasha kúni saǵat 20.30-da Oral-Atyraý jolynyń 264-shaqyrymynda boldy.
«Folksvagen Sharan» avtokóligi «Mersedes Fýra» júk kóligimen betpe-bet soqtyǵysty.
Sonyń saldarynan «Folksvagen Sharan» avtokóliginiń júrgizýshisi men eki jolaýshysy (bári de – er adamdar) oqıǵa ornynda kóz jumdy.
Sonyń biri 30 jasar polıtsııa qyzmetkeri, polıtsııa maıory Aıbolat Nurlybekov edi.
Ol polıtsııa organdarynda 2006 jyldan beri qyzmet atqardy. Bıylǵy 29 tamyzda Taıpaq polıtsııa bóliminiń bastyǵy mindetin atqarýshy bolyp taǵaıyndalǵan edi. Marqumnyń sońynda jary, 9 jáne 3 jasar eki uly qaldy.
«Aıbolat Nurlybekov óte jaqsy qyzmetker edi. Departament basshylyǵy men jeke quram marqumnyń otbasyna qaıǵyryp kóńil aıtady», dep habarlady polıtsııa departamentiniń baspasóz qyzmetinen.
Qazirgi kezde osy oqıǵaǵa baılanysty QR QK 345-baby 4-bóligine sáıkes tergeý amaldary júrgizilýde.
Eske sala keteıik, budan buryn BQO-da jol apatynan ákesi men balasy qaza tapqanyn jazǵan bolatynbyz.
