BQO-da jol apatynan 25 jastaǵy boıjetken kóz jumdy
ORAL. QazAqparat - 26 tamyz kúni saǵat 12.55-ter shamasynda Oral-Atyraý jolynyń 255-shaqyrymynda, Aqjaıyq aýdany Almaly aýylynyń tusynda jol apaty boldy, dep habarlaıdy «QazAqparat» tilshisi.
Aqjaıyq aýdandyq ishki ister bóliminen túsken málimetke qaraǵanda, Atyraýǵa bara jatqan, reseılik azamat aıdaǵan «Aýdı» avtokóligi qarsy betke shyǵyp ketip, «Mersedes» avtokóligimen soqtyǵysqan. Sonyń saldarynan «Mersedeste» otyrǵan 1992 jylǵy qyz oqıǵa ornynda qaza tapty. Oǵan qosa túrli jaraqat alǵan taǵy tórt adam Taıpaq aýylyndaǵy aýrýhanaǵa, sosyn bulardyń ekeýi alǵashqy kómek kórsetilgen soń oblystyq aýrýhanaǵa jetkizildi.
Atalǵan oqıǵa boıynsha QR QK 345-baby 3-bóligine sáıkes qylmystyq is qozǵalyp, tergeý amaldary júrgizilýde.
Aýdandyq ishki ister bóliminiń memlekettik avtoınspektory, polıtsııa kapıtany Maqsat Túgelbaevtyń sózine qaraǵanda, dál osy tusta bir kún buryn jeńil avtokólik «GAZel» júk kóliginiń artyna soǵylyp, eki adam zardap shekken bolatyn.
