BQO-da jol apatynan 2 adam qaza taýyp, altaýy jaraqat aldy
ORAL. QazAqparat – Batys Qazaqstan oblysynda jol apatynan eki adam qaza taýyp, altaýy túrli jaraqat aldy, dep habarlaıdy QazAqparat tilshisi.
Oqıǵa 27 jeltoqsan kúni Oral - Atyraý jolynda bolyp, «Lada» jáne «Reno» avtokólikteri soqtyǵysty.
Oblystyq densaýlyq saqtaý basqarmasynyń baspasóz qyzmetinen túsken málimetke qaraǵanda, 67 jastaǵy áıel oqıǵa ornynda mert bolǵan. 23 jastaǵy taǵy bir áıel aýrýhanada kóz jumdy.
Aqjaıyq aýdandyq ortalyq aýrýhanasyna alty adam jetkizildi. Ashyq bas-mı jaraqatyn alǵan 43 jastaǵy áıeldiń mıyna zaqym kelgen. 23 jastaǵy áıeldiń qabyrǵalary synǵan. Jabyq bas-mı jaraqatyn alǵan 25 jastaǵy jas jigittiń keýde tusy da kógergen. 45 jastaǵy, 24 jastaǵy jáne 26 jastaǵy er adamdar da túrli jaraqat alǵan.
BQO polıtsııa departamentiniń baspasóz qyzmeti oqıǵany rastady.
