BQO-da jol apaty 3 jasar balanyń ómirin qıyp ketti
ORAL. QazAqparat – Batys Qazaqstan oblysynda jol apaty jas balanyń ómirin qıyp ketti, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkendeı, oqıǵa 4 qarasha kúni saǵat 15.50-de Chapaev-Jańaqala jolynyń 118-shaqyrymynda Jolqudyq aýylynyń tusynda bolǵan.
35 jastaǵy júrgizýshi «VAZ-21010» avtokóliginiń rýline ıe bola almaı, joldyń qarsy betine shyǵyp ketken. Sonyń saldarynan 65 jastaǵy júrgizýshi aıdap kele jatqan «VAZ-2108» avtokóligimen túıisýge jol bergen.
Qos júrgizýshi men «VAZ-21010» avtokóliginde otyrǵan eki jolaýshy túrli jaraqattarmen aýdandyq aýrýhanaǵa jetkizildi.
Oǵan qosa «VAZ-21010» avtokóliginde bolǵan 6 jáne 3 jasar balalar aýyr jaraqat aldy. 3 jasar bala alǵan jaraqatynan Jańaqala aýdandyq aýrýhanasynda kóz jumdy.
Osy oqıǵa boıynsha QR QK 345-baby 3-bóligine sáıkes sotqa deıingi tergeý amaldary júrgizilýde.
