BQO-da jol apatynan bir adam qaza taýyp, úsheýi aýrýhanaǵa jetkizildi

ORAL. KAZINFORM — Batys Qazaqstan oblysynda adam ólimine soqtyrǵan jol-kólik oqıǵasy boldy.

BQO polıtsııa departamentiniń baspasóz qyzmetinen málim etkenindeı, 19 qazan kúni shamamen saǵat 15.15-te Atyraý-Oral jolynyń 455-shaqyrymynda Báıterek aýdany Kóshim aýyly tusynda eki avtokólik soqtyǵysty.

Júrgizýshi Toyota Hilux avtokóligimen kele jatyp, joldyń qarsy betine shyǵyp ketken. Sóıtip Lada Priora avtokóligimen túıisýge jol bergen.

- Jol apaty saldarynan Lada Priora avtokóliginde otyrǵan er adam oqıǵa ornynda kóz jumdy. Osy avtokóliktegi taǵy úsh adam túrli jaraqatpen aýrýhanaǵa jetkizildi. Qazirgi kezde QR QK 345-baby 3-bóligine sáıkes sotqa deıingi tergeý amaldary júrgizilýde. BQO polıtsııa departamenti júrgizýshilerge jol erejesin qatań saqtaý kerektigin eske salady, - dep habarlady vedomstvodan.

Eske sala keteıik, budan buryn BQO-da eki kún ishinde buryn izdeýde bolǵan 13 kúdikti ustalǵanyn jazǵan edik.