BQO-da joǵalyp ketken turǵyn bir kúnnen keıin tabyldy
ORAL. QazAqparat - Batys Qazaqstan oblysynda mal izdeýge shyqqan taǵy bir turǵyn adasyp ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa keshe Jańaqala aýdany Máshteksaı aýyldyq okrýginde oryn aldy.
Aqshaǵyl qystaǵynda óz úıinen mal izdeýge saǵat 15.00-de shyqqan 1997 jylǵy jigit sodan oralmaǵan.
Búgin tańerteń saǵat 8.15-ten bastap TJ qyzmetkerleri (3 adam, 1 tehnıka) bir polıtseımen, jergilikti atqarýshy organdar (4 qyzmetker, 2 tehnıka) jáne turǵyndarmen (16 adam, 4 tehnıka) birlesip, izdestirý jumystaryn júrgizdi.
Sonyń nátıjesinde joǵalyp ketken jigit saǵat 13.00-de Juban qystaǵynan aman-esen tabyldy.
Eske sala keteıik, budan buryn BQO-da mal izdeýge shyqqan turǵyndardyń adasyp ketkenin jazǵan bolatynbyz.
