BQO-da joǵalyp ketken turǵyn aman-esen tabyldy
ASTANA. QazAqparat - Batys Qazaqstan oblysynda joǵalyp ketken turǵyn aman-esen tabyldy, dep habarlaıdy QazAqparat tilshisi.
BQO TJD baspasóz qyzmetinen túsken málimetke qaraǵanda, oqıǵa Jańaqala aýdany Jańajol aýyldyq okrýginde boldy.
1978 jylǵy turǵyn 16 qańtar kúni saǵat 09.00-de Sarkól aýylynan mal qaraımyn dep shyǵyp ketkennen oralmaǵan.
Er adamdy izdeýge TJ (3 qyzmetker, 1 tehnıka), jergilikti ákimdik (3 qyzmetker, 1 tehnıka), aýdandyq polıtsııa bólimi (1 qyzmetker, 1 tehnıka) jáne aýyl turǵyndary (13 adam, 2 tehnıka) jumyldyryldy.
Sonyń nátıjesinde turǵyn búgin saǵat 18.25-te daladan tabyldy.
Eske sala keteıik, sońǵy kúnderi aýa raıyna baılanysty óńirde birqatar eskertýler jarııalanǵan bolatyn.
