BQO-da joǵalyp ketken er adamnyń da múrdesi tabyldy
ORAL. QazAqparat - Búgin saǵat 11.30 shamasynda Qaratóbe aýdany Qaratóbe aýyldyq okrýgine qarasty Úrkish qystaǵynan 4 shaqyrym jerden er adamnyń múrdesi tabyldy, dep habarlaıdy «QazAqparat» HAA tilshisi.
Aýdandyq TJ bóliminiń aǵa ınjeneri, azamattyq qorǵaý maıory Mels Ysqaqovtyń aıtýynsha, N. esimdi er adam 1981 jylǵy bolsa, budan buryn múrdesi tabylǵan Á. esimdi áıel 1973 jyly dúnıege kelgen. Olar 14 aqpan kúni Qaratóbe aýylynan 14 shaqyrym jerdegi Úrkish qystaǵynan shyǵyp, sodan joǵalyp ketken edi. Osyǵan baılanysty BQO TJ departamenti jedel qutqarý jasaǵynyń bas qutqarýshysy Altaı Bolatuly bastaǵan, quramynda kınolog bar top Oraldan arnaıy baryp, izdestirgen bolatyn.
Marqumdardyń deneleri sot-medıtsınalyq saraptamaǵa jiberiledi.
Eske sala keteıik, budan buryn 1 aqpan kúni Aqjaıyq aýdanynda Jańabulaq aýyldyq okrýginiń boranda úsip ketken 1966 jylǵy turǵynynyń denesi tabylǵan bolatyn.
