BQO-da joǵalyp ketken er adam aman-esen tabyldy
ORAL. QazAqparat – Batys Qazaqstan oblysynda joǵalyp ketken er adam aman-esen tabyldy, dep habarlaıdy QazAqparat tilshisi.
Budan buryn habarlaǵanymyzdaı, Terekti aýdany Podstepnyı aýylynda turatyn Serik Nyǵmetov 26 mamyr kúni úıinen shyǵyp ketkennen oralmaǵan bolatyn.
BQO polıtsııa departamentiniń baspasóz qyzmetinen túsken málimetke qaraǵanda, S.Nyǵmetovti Oral-Jelaev jolyndaǵy blokpost mańynda qulap jatqan jerinen polıtsııa qyzmetkerleri kórip, jedel járdem men ákimdikke qońyraý shalǵan. Sodan keıin jedel járdem aýrýhanaǵa jetkizgen.
«Iá, joldasym tabylyp, aýrýhanadan úıge alyp keldik. Ony izdeýge atsalysqan adamdardyń bárine alǵys aıtamyz», - dedi QazAqparat tilshisine S.Nyǵmetovtiń zaıyby Gúlnár Baıǵuttıeva.
