BQO-da joǵalyp ketken er adam 10 kúnnen beri izdestirilip jatyr

BQO TJ departamentiniń baspasóz qyzmetinen málim etkenindeı, Bórli aýdany Jarsýat aýylynda turatyn 48 jastaǵy Sergeı Tıýrkın 13 maýsym kúni shamamen saǵat 17.30-da úıinen shyǵyp ketkennen oralmaǵan.
«Atalǵan er adam múgedek, este saqtaý qabiletinde múkilik bar. Ony Jarsýat aýylynan 500 metr jerdegi Jaıyq ózeninen izdestirý jumystary búgin tańmen qaıta jalǵasty», dep habarlady vedomstvodan.
Sondaı-aq aýdan ortalyǵy Aqsaı qalasynda 22 maýsym kúni keshkisin 1982 jylǵy er adam Shyńǵyrlaý ózenine batyp ketken bolatyn. Onyń denesi búgin tańmen 07.55-te tabylyp, sýdan shyǵaryldy.
Eske sala keteıik, budan buryn BQO-da kólde joǵalyp ketken 8 jasar bala men atasynyń ushaqpen izdestirilip jatqanyn jazǵan bolatynbyz.
BQO TJ departamentinen túsken málimetke qaraǵanda, bala áli tabylǵan joq.
Departament jazǵy demalys kezinde balalardy qaraýsyz qaldyrmaý kerektigin eske salady.