BQO-da joǵalyp ketken balyqshyny izdestirý jumystary jalǵasýda
ORAL. QazAqparat - Batys Qazaqstan oblysynda joǵalyp ketken balyqshyny izdestirý jumystary jalǵasýda, dep habarlaıdy QazAqparat tilshisi.
BQO TJ departamentiniń baspasóz hatshysy Nurgúl Muqanovanyń aıtýynsha, Terekti aýdany Shaǵan aýyldyq okrýgine qatysty Satym eldi mekeninen bes shaqyrym jerde Jaıyq ózenine 14 sáýir kúni balyq aýlaýǵa ketken 64 jastaǵy er adamnyń joǵalǵanyna kóp uzamaı bir aı tolady.
Keshe TJ departamentine qarasty jedel qutqarý jasaǵynan 4 qyzmetker 1 tehnıka, 1 júzý quralynyń kómegimen izdestirý jumystaryn taǵy da júrgizdi. Alaıda eshqandaı nátıje bolmaı tur.
«Zańmen belgilengen merzimde joǵalǵan adam tabylmasa, onda izdestirý jumystary toqtatylady», dedi N.Muqanova.
Eske sala keteıik, budan buryn balyqshynyń taptyrmaı jatqanyn jazǵan bolatynbyz.
Foto: photoline.ru
