BQO-da joǵalyp ketken áıel adamnyń múrdesi tabyldy
ORAL. QazAqparat - Búgin tańǵy saǵat 09.30 shamasynda Qaratóbe aýdany ortalyǵy Qaratóbe aýylynan 7-8 shaqyrym jerden budan eki kún buryn joǵalyp ketken áıel adamnyń múrdesi tabyldy, dep habarlaıdy «QazAqparat» HAA tilshisi.
Aýdandyq TJ bólimi bastyǵynyń mindetin atqarýshyl Nurbol Nysanovtyń aıtýynsha, Qaratóbe aýdanynda eki adamnyń joǵalyp ketýine baılanysty búgin tańmen Oraldan qutqarýshylar kelip, iske kirisken bolatyn. Kınologtardy qosqanda, quramynda 5 adam bar top qarshanasymen izdestirý jumystaryn júrgizdi. Joǵalǵan er adam áli izdestirilýde.
Eske sala keteıik, atalǵan qos turǵyn Qaratóbege baramyz dep, aýdan ortalyǵynan 14 shaqyrym jerdegi Úrkish qystaǵynan 14 aqpan kúni tańerteń shyǵyp ketken. Olardyń joǵalǵany jóninde habar keshe tańerteń túsken.
