BQO-da joǵalyp ketken 32 jastaǵy er adamnyń denesi tabyldy
ORAL. QazAqparat – Batys Qazaqstan oblysynda joǵalyp ketken er adamnyń máıiti tabyldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen alynǵan málimetke qaraǵanda, 1 shilde kúni Báıterek aýdany polıtsııa bólimine Úlken Shaǵan aýylynyń 1988 jylǵy turǵyny Andreı Şýkanyń 26 maýsym kúni úıinen shyǵyp ketip, oralmaǵany jóninde aryz túsken bolatyn.
Joǵalyp ketken er adamdy izdestirýge polıtsııa departamentiniń jeke quramy jumyldyryldy.
Jedel izdestirý sharalary barysynda úıdiń aýlasyndaǵy sharýashylyq saraıynyń jertóle shuńqyrynan zorlyqpen óltirilgen atalǵan er adamnyń múrdesi tabyldy.
Osy qylmysqa kúdikti retinde osy aýyldyń 1984 jylǵy turǵyny anyqtalyp, ustaldy. Ol jábirlenýshimen birge araq ishken.
Kúdikti ýaqytsha ustaý ızolıatoryna qamaldy.
Qazirgi kezde QR QK 99-baby 1-bóligine (adam óltirý) sáıkes sotqa deıingi tergeý amaldary júrgizilýde.
Eske sala keteıik, budan buryn BQO turǵynynyń 5 kúnnen beri tabylmaı jatqanyn jazǵan bolatynbyz.
