BQO-da joǵalyp ketken qyz tabylyp, kúdiktige qatysty qylmystyq is qozǵaldy

ORAL. KAZINFORM — Batys Qazaqstan oblysy Tasqala aýdanynyń turǵyny qyzynyń joǵalyp ketkeni jóninde polıtsııaǵa shaǵym túsirgen. 

BQO polıtsııa departamentiniń baspasóz qyzmetinen málim etkenindeı, 22 tamyz kúni saǵat 21.20-da júgingen áıeldiń sózine qaraǵanda, qyzy tanysymen birge dúkenge ketkennen oralmaǵan.

Dereý jedel izdestirý is-sharalar kesheni uıymdastyrylyp, izdestirýge polıtsııanyń barlyq bólimshesi jumyldyryldy. 

— Qabyldanǵan sharalar nátıjesinde 23 tamyz kúni 32 jastaǵy er adam ustaldy. Ol qyzdyń qaıda ekendigin kórsetken. Qyz bala aýyl shetinen tiri tabyldy. Atalǵan derek boıynsha qylmystyq is qozǵalyp, kúdikti ýaqytsha ustaý ızolıatoryna qamaldy. Tergeý amaldary júrgizilip jatyr. Ózge aqparat tergeý múddesi úshin QR Qylmystyq is júrgizý kodeksiniń 201-babyna sáıkes jarııalaýǵa jatpaıdy, — dep habarlady vedomstvodan.

Eske sala keteıik, budan buryn BQO turǵyny burynǵy qyzyn bopsalap, 9 mln teńgesin alǵanyn jazǵan edik.