BQO-da joǵalǵan zeınetker ózge aýyldaǵy qyzynyń úıinen tabyldy
ORAL. QazAqparat – Batys Qazaqstan oblysynda joǵalǵan zeınetker eki saǵattan keıin tabyldy, dep habarlaıdy QazAqparat tilshisi.
BQO Polıtsııa departamentiniń baspasóz qyzmetinen málim etkenindeı, oqıǵa Bórli aýdanynda boldy.
69 jastaǵy er adam Aqsaı qalasyna qarasty Qyzyltal aýylyndaǵy úıinen 30 qarasha kúni saǵat 16.00 shamasynda shyǵyp ketken. Sodan 1 jeltoqsan kúni saǵat 10.30-ǵa deıin oralmaǵan.
Jasyna baılanysty este saqtaý qabileti nashar zeınetkerdi polıtseıler habar túsken ýaqyttan eki saǵattan keıin tapty. Onyń Syrym aýdany ortalyǵy Jympıty aýylyndaǵy qyzynyń úıine barǵany anyqtaldy. Qazirgi tańda ol Jympıtyda.
