BQO-da joǵalǵan eki turǵyn izdestirilýde
ORAL. QazAqparat - Qaratóbe aýdany Qaratóbe aýyldyq okrýgine qarasty Úrkish qystaǵynan shyǵyp, joǵalyp ketken eki adam izdestirilýde, dep habarlaıdy «QazAqparat» HAA tilshisi.
Aýdandyq ishki ister bóliminiń bastyǵy mindetin ýaqytsha atqarýshy Ermuhan Jumaǵalıevtiń sózine qaraǵanda, bul týraly derek 15 aqpan kúni tańǵy saǵat 09.30 shamasynda túsken. Joǵalǵan eki turǵynnyń biri er, ekinshisi áıel adam. Ekeýi de - aýdan ortalyǵynan 14 shaqyrym jerde ornalasqan Úrkish qystaǵyndaǵy «Álııa» sharýa qojalyǵynyń jumysshylary. Ekeýi 14 aqpan kúni tańǵy saǵat 09.00 shamasynda aýdan ortalyǵyna baryp kelemiz dep shyǵyp ketken. Qojalyq basshysyna eskertpegen.
Búgin joǵalyp ketken adamdardy tabý maqsatynda aýdandyq ishki ister bóliminen eki izdestirý toby quryldy. Eki «Nıva» aýtokóligi, oǵan qosa aýa raıynyń qolaısyzdyǵyna baılanysty «Álııa» sharýa qojalyǵynyń traktory tartyldy. Onyń syrtynda izdestirý tobyna bir traktor, bir «ÝAZ» avtokóligi qosyldy. Іzdestirý toby quramynda aýdandyq ishki ister bólimi, aýdandyq tótenshe jaǵdaılar bóliminiń qyzmetkerleri, eriktiler bar.
Aıta keteıik, keshe BQO TJ departamenti óńirde 15 aqpan kúni jel kúsheıip, burqasyn kóteriletini jóninde eskertken bolatyn. Qazir aýdanda kún burqasyndatyp tur.
