BQO-da joǵalǵan 3 jasar qyz ıisshil ıttiń kómegimen tabyldy

ORAL. QazAqparat – Batys Qazaqstan oblysynda keshkisin joǵalyp ketken 3 jasar qyz 8 saǵattan keıin daladan tabyldy, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkenindeı, oqıǵa 28 tamyz kúni Jánibek aýdany aýmaǵynda bolǵan. Saǵat 22.00-de Jánibek aýylynyń 1991 jylǵy turǵyny habarlasyp, 3 jasar Aıarý esimdi qyzynyń joǵalyp ketkeni jóninde polıtsııaǵa júgingen.

«Kesh túse áıel Uzynkól aýylyna qonaqqa bara jatqan. Jolshybaı mingen avtokólik áıel men qyzdy aýyl shetine túsirip ketken. Ymyrtta áıel qyzynan kóz jazyp qalady. Boıyn úreı bılep, jan-jaǵyn qarap, izdeıdi. Biraq odan eshteńe shyqpaǵan soń polıtsııa qyzmetkerlerine habarlasady. Kishkentaı búldirshindi izdeýge polıtsııa bóliminiń barlyq jeke quramy jumyldyryldy. Túnimen júrgizilgen izdeý is-sharasyna 200-den astam adam, aýdandyq polıtsııa, TJ bólimi, shekara qyzmeti, ákimdik jáne jergilikti aýyl turǵyndary, aýdan mekemeleri atsalysty. Sonyń nátıjesinde Aıarý tańǵy saǵat 04.00-de shekara qyzmeti kınology ıtteriniń kómegimen aman-esen tabyldy. Aýdandyq aýrýhanaǵa jetkizilgen qyzdyń ómiri men densaýlyǵyna qazir esh qaýip tónip turǵan joq», - dep habarlady vedomstvodan.

Jánibek aýdany TJ bóliminiń málimetine qaraǵanda, 3 jasar qyz shamamen 18.30-da joǵalyp ketken. Búldirshin Uzynkól aýylynan 7 shaqyrym qashyqtyqta tabylǵan.

Turǵyndardyń naqtylaýynsha, Aıarýdy Jánibek shekara basqarmasy Qaırat shekara bólimshesiniń kınology Rafhat Taıkenjın tapqan.

Eske sala keteıik, budan buryn jazǵy Batys Qazaqstan oblysynda 200 tonnaǵa jýyq pishenniń otqa oranǵanyn jazǵan edik.