BQO-da jyl basynan beri 100 shaqyrymnan astam sý arnasy tazartylǵan
ASTANA. KAZINFORM - Jyl basynan beri «Qazsýshar» RMK-nyń Batys Qazaqstan fılıaly óńirdegi uzyndyǵy 100 shaqyrymnan astam kanaldy tazalady.
Sý resýrstary jáne ırrıgatsııa mınıstri Nurjan Nurjigitov kásiporynnyń jumysy týraly esebin tyńdady. Jyl sońyna deıin qosymsha 6 shaqyrym kanaldy tazartý josparlanyp otyr. Salystyrý úshin, 2024 jyldyń qorytyndysy boıynsha fılıal jalpy uzyndyǵy 73,6 shaqyrym kanaldy tazartqan bolatyn. Jumystarǵa arnaıy tehnıka tartyldy. Sý resýrstary jáne ırrıgatsııa mınıstrligi bergen jer snarıadynyń kómegimen uzyndyǵy 22 shaqyrymǵa jýyq kanal tazartyldy.
-Qazir ırrıgatsııalyq kanaldarǵa josparlanǵan jyldyq tazartý jumystarynyń 94,3 paıyzy oryndaldy. Keler jyly fılıal keminde 150 shaqyrym kanaldy mehanıkalyq ádispen tazartýdy josparlap otyr. Sonymen qatar óńirde 14 gıdrotehnıkalyq nysanda jóndeý jumystary aıaqtaldy. Bitik sý qoımasyndaǵy sý aǵyzý qurylymynyń tómengi bóligin nyǵaıtý jumystaryn qosa alǵanda, sý tasqynynyń aldyn alý is-sharalary tolyq kólemde oryndaldy, – dedi «Qazsýshar» RMK Batys Qazaqstan oblystyq fılıaly dırektorynyń mindetin atqarýshy Raýan Hýsaınov.
Osyǵan eıin sý resýrstary mınıstrliginiń 10 toptyq sý qubyryn jergilikti atqarýshy organdardyń qaramaǵyna bergeni týraly jazdyq.