BQO-da jezdesin óltirgen turǵyn 12 jylǵa bas bostandyǵynan aıyryldy
ORAL. QazAqparat - Batys Qazaqstan oblysynda jezdesin pyshaqtap óltirgen turǵyn sottaldy, dep habarlaıdy QazAqparat tilshisi.
BQO qylmystyq ister jónindegi mamandandyrylǵan aýdanaralyq sotynyń úkimimen Amangeldi Jaqypov QR QK 99-baby 1-bóligine sáıkes aıypty dep tanyldy.
Sottalýshynyń is-áreketterinde qylmystardyń qaıtalanýy tanylǵandyqtan, oǵan 12 jylǵa bas bostandyǵynan aıyrý jazasyn qaýipsizdigi joǵary qylmystyq-atqarý júıesi mekemesinde óteý belgilendi.
Atalmysh sottan túsken málimetke qaraǵanda, A.Jaqypov Aqjaıyq aýdany ortalyǵy Chapaev aýyly Isataı kóshesi №68 úıde apa-jezdesimen birge turǵan.
18 shilde kúni saǵat 02.30 shamasynda araq ishken mas kúıinde jezdesi E.Ospanovpen sózge kelgen. Aqyry onymen tóbelesip, qasaqana qazaǵa ushyratý maqsatynan aýlaǵa kireberis esikti kóshe jaq betinen tirep turǵan E.Ospanovtyń artynan qýyp jetken. Sosyn esikti kúshpen ıterip ashyp, oń qolyndaǵy pyshaqpen keýde tusynan bir márte soqqy jasaǵan. Marqum oqıǵa ornynda kóz jumǵannan keıin boı tasalaǵan.
Eske sala keteıik, budan buryn osy sotta tanysyn pyshaqtap óltirgen áıelge qatysty úkim shyqqanyn jazǵan bolatynbyz.
