BQO-da jetim balalarǵa bastapqy jarnasyz jeńildetilgen nesıe beriledi

NUR-SULTAN. QazAqparat – Batys Qazaqstan oblysynda jetim balalarǵa bastapqy jarnasyz jáne tómen paıyzben úı beriledi. Bul týraly óńir ákimi Ǵalı Esqalıev málim etti, dep habarlaıdy QazAqparat tilshisi.

«Jetim balalardy qoldaý baǵdarlamasy aıasynda BQO ákimdigi Otbasy bank arqyly úı alý úshin az paıyzben nesıe beredi. Nesıe 15 jyl merzimge bastapqy jarnasyz usynylady. Bul jobany iske asyrý úshin jergilikti bıýdjetten 500 mln teńge bólindi»,- dedi oblys ákimi.

Ǵalı Esqalıevtiń málimetinshe, ata-ana qamqorlyǵynsyz qalǵan jáne jetim balalarǵa jyl saıyn 40-50 jaldamaly páter berilip otyrady. Degenmen bul kórsetkish máseleni tolyq sheshe almaıtyny atap ótildi. Búginde 2 myńnan astam jetim bala kezekte tur.

«Bıyl jaldamaly páter qunyn sýbsıdııalaý boıynsha jańa baǵdarlama iske qosyldy. Sondyqtan atalǵan sanatqa kiretin adamdarǵa osy joba arqyly kómek kórsetýdi josparlap otyrmyz. ıAǵnı, jaldamaly páter qunynyń 50 paıyzyn memleket óteıdi. Eger jumys isteıtin jetim balalar qaryzyn ýaqytyly jaýyp otyrsa, onda aldaǵy ýaqytta sol ózi turyp jatqan páterdi satyp alýǵa quqyq beriledi. Baǵdarlama jaqsy nátıje kórsetip jatsa, jergilikti bıýdjetten qosymsha qarjy bólýdi qarastyryp otrymyz», - dep atap ótti Ǵalı Esqalıev.

Oblys ákiminiń aqparatynsha, bıyl BQO-da jyl sońyna deıin 600 myń sharshy metr baspana tapsyrý kózdelgen. Sondaı-aq kezekte turǵan azamattarǵa jaldamaly páter qunynyń jartysyn sýbsıdııalaý baǵdarlamasy engiziledi. Búginde baǵdarlama boıynsha 150 adamnyń ótinishi maquldandy.