BQO-da jeti jerde dala shópteri órtendi
ORAL. QazAqparat - Batys Qazaqstan oblysynda kúnniń jylynýy muń eken, dalalyq jerler janyp, órtene bastady, dep habarlaıdy «QazAqparat» tilshisi.
BQO TJ departamenti órt sóndirý jáne apattyq-qutqarý jumystary qyzmetinen túsken málimetke qaraǵanda, 28 sáýir kúni osyndaı jeti birdeı oqıǵa tirkelgen. Mysaly, saǵat 09.35-te Oral qalasy 2-saıajaı aýmaǵy, «Avtomobılıst» qoǵamdastyǵynda 4 ga jerde qurǵaq shóp janǵan. Órt sóndirýge 1 tehnıka, 4 adam qatysyp, ol 10 saǵat 43 mınýtta aýyzdyqtalǵan. Sol sekildi osy mańdaǵy «Gazovık» saıajaı qoǵamdastyǵynda 2 gektar qurǵaq shópke qosa 10 sharshy metr sharýashylyq qurylysy men aǵash ájethana órtenip, sóndirilgen (2 tehnıka, 5 adam). Derkól aýyly aýdanynda 2 ga qurǵaq shóp te janyp, aýyzdyqtalǵan (1 tehnıka, 5 adam). Oral qalasy Syrym Datuly kóshesi, 23/3 mekenjaıynda 0,2 ga qurǵaq shóp janǵan (1 tehnıka, 5 adam). Sondaı-aq Derkól aýyly, Derkól kóshesi 1/1 mekenjaıynda 0,5 ga, Zachagan kentinde Medkolledj aýdanynda 100 sharshy metr qurǵaq shóp, Krýgloozernyı kenti, 1 mamyr kóshesi, 29 mańynda 100 sharshy metr qoqys otqa oranǵan. Oǵan qosa 2-saıajaı aýmaǵynda túsqaıta qurǵaq shóp qaıta janǵan.
Qazirgi kezde osy órt oqıǵalarynyń sebep-saldary, keltirilgen shyǵyn, kináli adamdar anyqtalý ústinde.
