BQO-da jeti avtokólik órtendi
ORAL. QazAqparat - Batys Qazaqstan oblysynda jyl basynan beri jeti avtokólik otqa orandy, dep habarlaıdy «QazAqparat» tilshisi.
BQO TJ departamentiniń bas mamany, azamattyq qorǵaý aǵa leıtenanty Mıras Álekeshevtiń aıtýynsha, bul ótken jyldyń osy kezeńimen (10 avtokólik) salystyrǵanda, 42,8 paıyzǵa tómendegen.
Jalpy, ótken jyly avtokólikterde 117 órt oqıǵasy tirkeldi. Bul - jalpy órt sanynyń (663) 18 paıyzy. Demek, az emes.
«Órttiń shyǵý sebebi elektr symdarynyń qysqa tuıyqtalýy bolyp tabylady. Sondyqtan avtokólikterdegi órttiń aldyn alý maqsatynda óńirde «Qaýipsiz kólik» sharasy qolǵa alyndy. Departament qyzmetkerleri BQO ІІD jergilikti polıtsııa qyzmetimen birlese otyryp, avtovokzal, avtoturaq, bazar, iri oıyn-saýyq keshenderi men mekemeler aýmaǵynda reıdter uıymdastyryp, túsindirý jumystaryn júrgizdi. Jadynamalar men aqparattar oblys turǵyndaryna áleýmettik jeliler arqyly («WhatsApp», «Facebook», «VKontakte», «Instagram») da taratyldy», dedi «QazAqparat» tilshisine M.Álekeshev.
