BQO-da jeti aýdanda 14 eldi meken jaryqsyz qaldy
ORAL. QazAqparat – Batys Qazaqstan oblysynda 7 aýdanda 14 eldi meken elektr jaryǵynsyz qalyp otyr, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, kúni búgin 947 abonent elektr qýatyn paıdalana almaı otyr.
Atap aıtqanda, Báıterek aýdanynda 113, Qaztalovta 182, Aqjaıyqta 493, Jańaqalada 57, Shyńǵyrlaýda 14, Syrymda 45, Tasqalada 43 abonent jaryqsyz qalýda.
Qazirgi kezde «Batys Qazaqstan elektr jelilerin taratý kompanııasy» AQ (73 qyzmetker, 26 tehnıka) jóndeý-qalpyna keltirý jumystaryn júrgizýde.
BQO TJ departamenti búgin barlyq baǵyttaǵy joldardyń ashyq ekendigin jetkizdi.
Óńirde úsh kúnnen beri jolda qalǵan adamdardy qutqarý jumystary jalǵasýda.
Eske sala keteıik, budan buryn Batys Qazaqstanda 24 eldi mekenniń elektr jaryǵynsyz qalǵanyn, qatty aıazǵa baılanysty Oralda 1-9 synyp oqýshylary qashyqtan oqıtynyn jazǵan bolatynbyz.
