BQO-da jeńil kólik pen avtobýstyń túıisýi: úshinshi adam da kóz jumdy

ORAL. KAZINFORM — Batys Qazaqstan oblysynda Aqtóbe-Oral jolyndaǵy oqıǵadan taǵy bir adam qaıtys boldy.

BQO densaýlyq saqtaý basqarmasy baspasóz qyzmetiniń málim etkenindeı, Shyńǵyrlaý aýdany Almaz aýylynan 5 shaqyrym qashyqtyqta 22 naýryz kúni bolǵan jol-kólik oqıǵasynan 1994 jylǵy er adam jedel járdem jetkenshe, kóz jumǵan.

Saǵat 06:22-de eki er adam Syrym aýdandyq aýrýhanasyna jetkizildi. 1993 jylǵy er adam alǵan jaraqattary saldarynan aýrýhanada qaıtty. Jeńil kólikte bolǵan 1993 jáne 1994 jylǵy jigitter — tájikstandyq azamattar.

— Oblys ortalyǵynan shaqyrtylǵan sanavıatsııamen 1963 jylǵy er adam (avtobýs júrgizýshisi) qalalyq kópbeıindi aýrýhanaǵa jetkizildi. Túrkistan oblysynyń turǵyny búgin tańǵy saǵat 08:55-te o dúnıelik boldy, — dep habarlady vedomstvodan.

Eske sala keteıik, budan buryn BQO-da jeńil kólik avtobýspen túıisip, eki adamnyń kóz jumǵanyn jazǵan bolatynbyz.