BQO-da jeńil kólik KamAZ-dyń astyna kirip ketti
ORAL. QazAqparat - Búgin Batys Qazaqstan oblysynda jol apaty saldarynan eki adam qaza tapty, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, oqıǵa saǵat 13.55 shamasynda bolǵan. Oral-Saratov jolynyń 18-shaqyrymynda Zelenov aýdany Beles aýyly tusynda «KamAZ» ben «VAZ 2114» avtokólikteri soqtyǵysqan.
Oblystyq densaýlyq saqtaý basqarmasy basshysynyń orynbasary Gúlnár Ábdirahmanovanyń aıtýynsha, jeńil kólik «KamAZ»-dyń astyna kirip ketken. Sonyń saldarynan eki jas jigit jedel járdem kelgenshe kóz jumǵan.
Qazirgi kezde oqıǵanyń mán-jaıy anyqtalyp jatyr.
