BQO-da jeńil kólik avtobýspen soqtyǵysty, júrgizýshi kóz jumdy
ORAL. QazAqparat - Batys Qazaqstan oblysynda jeńil avotokólik pen avtobýs túıisip, saldarynan bir adam kóz jumdy, dep habarlaıdy QazAqparat tilshisi.
Oqıǵa 29 qyrkúıek kúni tús aýa Oral-Atyraý kúre joly boıynda, Aqjaıyq aýdany aýmaǵynda boldy.
Kýá bolǵandardyń aıtýynsha, «Mersedes» kóligi men Atyraýǵa jetkizilmek bolǵan jańa avtobýs soqtyǵysqan. Sondyqtan onda jolaýshylar bolmaǵan.
BQO Іshki ister departamentiniń baspasóz qyzmetinen málim etkendeı, jol apaty saldarynan «Mersedestiń» júrgizýshisi jedel járdem kelgenge deıin qaza boldy, jolaýshysy túrli jaraqattarmen aýrýhanaǵa jetkizildi.
«Oqıǵanyń sebep-saldary anyqtalý ústinde», - dedi ІІD-den.
