BQO-da jeńil avtokólik pen mototsıkl túıisip, alty adam jaraqat aldy
ORAL. QazAqparat - Batys Qazaqstan oblysynda jeńil avtokólik pen mototsıkl túıisip, alty adam jaraqat aldy, dep habarlaıdy QazAqparat tilshisi.
Oqıǵa qalaǵa irgeles ornalasqan Terekti aýdany Podstepnyı aýylynda PMK aıaldamasy tusynda bolǵan.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jol-kólik oqıǵasy saldarynan alty adam qalalyq kópbeıindi aýrýhanaǵa jetkizildi, olardyń úsheýi - balalar.
Jedel járdem saǵat 10.07-de shaqyrylyp, 10.12-de jetken.
Aldyn ala málimetke qaraǵanda, 8 jasar qyz, 10 jasar ul bala, 34 jáne 33 jasar áıel jabyq bas-mı jaraqatyn alǵan. Oǵan qosa 34 jasar áıeldiń sheke tusy isken. Sondaı-aq 5 jasar ul bala men 50 jasar er adam ashyq bas-mı jaraqatyn alǵan.
Qazirgi kezde oqıǵanyń mán-jaıy anyqtalyp jatyr.
