BQO-da jeltoqsan aıynda 50-den astam bala koronavırýs juqtyrǵan
ORAL. QazAqparat – Batys Qazaqstan oblysynda jeltoqsan aıynda 50-den astam bala koronavırýs juqtyrǵan, dep habarlaıdy QazAqparat tilshisi.
Oblystyq Densaýlyq saqtaý basqarmasynyń baspasóz qyzmetinen málim etkenindeı, qyrkúıek aıynan beri barlyǵy 178 baladan indet tabyldy.
Sonyń ishinde qyrkúıekte – 4, qazanda – 5, qarashada – 102, jeltoqsanda 53 balanyń aýyrǵany tirkeldi. Oǵan qosa, balabaqsha tárbıelenýshisiniń 12-sinen – qarashada, 2-inen jeltoqsan aıynda kovıd anyqtaldy. Olardyń barlyǵy koronavırýsty otbasy múshelerinen juqtyrǵan.
Oblysta indetke shaldyqqandardyń jalpy sany 8907-ge jetse, sonyń 7806-sy jazylyp shyqty. 160 adam kóz jumdy.
Sońǵy táýlikte 40, bir aptada 262 adamnyń koronavırýs juqtyrǵany tirkeldi.
Qazirgi tańda pnevmonııamen syrqattanǵan 116 adam statsıonarda jatsa, 42-si ambýlatorlyq em alýda. Bul dertten 239 adam qaıtty.
Kúni búgin ınvazıvti emes jasandy tynys alý apparatyna - 3, jasandy tynys alý apparatyna - 1, ottegi kontsentratoryna - 4, ortalyqtandyrylǵan ottegi kózine 22 adam qosylǵan.
Juqpaly aýrýlar aýrýhanalarynda – 137, karantındik statsıonarda 29 adam emdelýde. 13 adam jansaqtaý bóliminde jatyr.
Eske sala keteıik, budan buryn Oralda jeltoqsan aıynda karantın tártibi 49 márte buzylǵanyn jazǵan bolatynbyz.
